Moderatorja shqiptare Arbana Osmani, sot ka festë.
Vëllai i saj po i jep fund beqarisë duke organizuar një ceremoni të bukur martesore.
Me anë të një foto të bukur familjare nga dasma, ajo shkroi-: “Familja jonë”.
Në këtë foto shohim disa anëtarë të familjes të veshur zyrtarisht, me çiftin në mes, duke u buzëqeshur për këtë moment të rëndësishëm.
Ajo shfaqet në një atmosferë të ngrohtë dhe festive, ku familja duket e bashkuar dhe e lumtur.
Më pas ajo ka ndarë surprizën e mrekullueshme që i përgatiti babit për dasmën e të vëllait.
Pika kulmore ka ardhur kur në sallë është shfaqur i ftuari special – këngëtari i mirënjohur Sinan Hoxha. Me një energji të veçantë, ai ka hyrë në skenë për të kënduar “Hajredin Pasha”, këngën e preferuar të babait të Arbanës. Në atë çast, sytë e të gjithëve ishin te buzëqeshja dhe emocionet e sinqerta të tij, ndërsa të pranishmit kanë shoqëruar këngën me duartrokitje dhe kërcim.
Pamjet nga ky moment janë bërë virale në pak orë, duke u shpërndarë gjerësisht në rrjete sociale. Mes komenteve dhe urimeve të shumta, ndjekësit kanë vlerësuar gjestin si shembull të dashurisë familjare që shprehet me vepra, jo vetëm me fjalë. Ky episod i vogël, por me peshë të madhe emocionale, rikujton se në fund të ditës, janë kujtimet dhe dashuria që mbeten më gjatë se çdo luks tjetër.