Një debat i ndezur rreth influencës ruse në Shqipëri, i shkaktuar nga skandali i financimit të Partisë Demokratike, ka marrë një kthesë personale dhe të papritur. Gjatë emisionit “360 Gradë” në një televizion të vendit, opinionisti Artur Çani ka bërë një deklaratë të fortë, duke pretenduar se i ati i Kryeministrit Edi Rama, skulptori i njohur Kristaq Rama, ka qenë i martuar me një ruse dhe ka një djalë nga kjo martesë.
Deklarata e Çanit erdhi në kontekstin e një krahasimi mes politikanëve shqiptarë dhe afërsisë së tyre me Rusinë, duke theksuar se lidhjet personale nuk përcaktojnë qëndrimet politike. “Nuk mund të them që Rama meqë ka një vëlla rus është më afër rusëve se Basha. Kristaq Rama ka një fëmijë në Rusi,” tha ai. Më tej, Çani shtoi se kjo informacion gjendet në dokumentet e Partisë së Punës, ku Kristaq Rama ka deklaruar martesën dhe djalin e tij.
Kjo deklaratë, e cila ka ngjallur debate dhe reagime të shumta, u përdor nga Çani për të ilustruar argumentin e tij se akuzat për lidhje me Rusinë shpesh bazohen në faktorë të parëndësishëm, ndërkohë që problemet e vërteta, si trafikimi i drogës, destabilizojnë më shumë vendin.
Deri më tani, asnjë konfirmim apo mohim zyrtar nuk ka ardhur nga Kryeministri Rama apo familjarët e tij në lidhje me këtë pretendim. Deklarata e Artur Çanit mbetet një pretendim i bërë në një emision televiziv dhe pritet të shihet nëse do të ketë zhvillime të mëtejshme rreth kësaj çështjeje.