Gazetarja Aida Topalli ka bërë një deklaratë të fortë gjatë një interviste, ku foli për mënyrën se si disa vajza të reja, veçanërisht ato që hyjnë në botën e showbizit, zgjedhin ta ndërtojnë jetën e tyre.
Sipas saj, shumë prej tyre afrohen me persona të përfshirë në konflikte me ligjin, duke u bërë pjesë e një realiteti ku ato trajtohen si “çmim” në një garë mes burrash.
“Shumë vajza të reja kanë zgjedhur, sidomos vajza që janë bërë pjesë e showbizit, të ndërtojnë jetën e tyre në një mënyrë më të lehtë. Absolutisht është e drejta e tyre sepse kemi të bëjmë me vajza të rritura, nuk kemi të bëjmë me minorene.
Zgjedhin të shkojnë shumë afër personave që janë në konflikt me ligjin sepse janë pikërisht ata që vihen në një lloj gare, është shumë e thjeshtë se çfarë ndodh. Vihen në një lloj gare se kush ka vajzën më të bukur.
Keq më vjen ta them, absolutisht nuk dua të ofendoj këtu asnjë vajzë, por është si një lloj ankandi që kush ofron më shumë për një vajzë të bukur apo një vajzë ekrani dhe pikërisht ai që ofron më shumë do ta marrë atë vajzë.”- u shpreh ajo ndër të tjera.