Moderatorja dhe këngëtarja e njohur shqiptare, Luana Vjollca, ka ndarë me ndjekësit e saj në Instagram një përmbledhje të çasteve më të bukura nga pushimet verore, ku spikat bukuria, stili dhe një atmosferë e qetë e relaksuese.
Nën mbishkrimin e thjeshtë por kuptimplotë “Familja”, Luana ka zgjedhur të ndajë me fansat një anë më të afërt dhe personale të jetës së saj, duke vënë në fokus kohën e çmuar me njerëzit më të rëndësishëm.
Në disa prej fotove, ajo shfaqet me nënën e saj, një grua me stil të veçantë dhe buzëqeshje plot ngrohtësi, duke treguar qartë lidhjen e fortë mes tyre.
Fotot përçojnë një atmosferë intime, ku përveç modës dhe estetikës, vërehet qartë rëndësia që Luana i jep familjes, rehatisë dhe momenteve të përbashkëta larg skenës dhe zhurmës së përditshme.
