Në “The Elite Way” me Elita Rudina dhe Nderim Neziri, ishin të ftuar edhe çifti i famshëm i skenës muzikore, Naimi e Mihrija.
Nder tjerash, ata kanë folur edhe për jetën e tyre private. Mihrija, ka treguar se pavarësisht që i kanë rezistuar kohës, ndër vite ka pasur edhe shigjeta në drejtim të tyre, duke tentuar që ti ndajnë.
“Edhe kur s’kanë qenë rrjetet sociale, unë dhe Naimi kemi pas shumë shigjeta me u nda. Kanë qenë ato vajzat që donin Naimin, më kanë thirr mu e më kanë thenë Naimi po të tradhëton. Ka pas meshkuj që më kan dash mua dhe e kan thirr, e kundërta e kësaj.I kemi tejkalu me mirëkuptim dhe me besim të plotë ndaj njëri tjetrit. Kemi pas një periudhë kohe kur kishte vrull të letrave dhe telefonatave që Naimi po të tradhëton.Edhe ndonjëra që më thoshte unë po fle me burrin tënd, ndërkohë që unë isha me Naimin në shtëpi.Por sa bënin njerëzit kështu dashuria jonë më shumë shtohej.Kështu që komentet tani në rrjetet sociale nuk janë asgjë për ne”- ka thënë Mihrija.