Një fotografi e rrallë nga arkivi ka rikthyer vëmendjen te një nga figurat më ikonike të muzikës shqiptare. Në këtë imazh, Parashqevi Simaku shfaqet nuse, elegante dhe plot hijeshi, larg skenës, por me të njëjtin shkëlqim që e karakterizonte edhe në kulmin e karrierës së saj artistike.
Me një fustan të bardhë klasik, të punuar me dantellë dhe një vello delikate, këngëtarja duket rrezatuese dhe natyrale. Stili i flokëve, i ngritur me finesë, dhe buzëqeshja e qetë i japin fotos një ndjesi intime e nostalgjike, duke treguar një Parashqevi që publiku rrallë e ka parë gruan përtej ikonës së skenës.
Parashqevi Simaku u martua me një shtetas amerikan, Robert McClure, pas vendosjes së saj në Shtetet e Bashkuara të Amerikës. Larg zhurmës mediatike dhe dritave të skenës shqiptare, ajo zgjodhi një jetë më private, duke u përqendruar te familja. Nga kjo martesë lindi edhe djali i tyre, Luke , i cili ka qenë shpesh arsyeja kryesore pse këngëtarja ka preferuar të qëndrojë larg vëmendjes publike për shumë vite.
Edhe pse prej kohësh jashtë skenës aktive, Parashqevi Simaku mbetet një figurë që vazhdon të emocionojë dhe të ngjallë interes. Fotografi të tilla, të rralla dhe personale, tregojnë një tjetër dimension të jetës së saj dhe rikujtojnë se pas zërit legjendar dhe hiteve të pavdekshme, fshihet një histori gruaje, dashurie dhe familjeje.
Një imazh që surprizon, emocionon dhe rikthen nostalgjinë për një emër që ka lënë gjurmë të pashlyeshme në muzikën shqiptare.
