Edhe pse gjatë vitit 2025 politikanët promovuan statistika që e nxirrnin Kosovën si vend që kryesonte matjet globale për përmirësim të mirëqenies dhe si një nga vendet më të sigurta në Evropë, të dhëna të tjera nxjerrin në pah një realitet krejt tjetër.
Për shembull, sipas statistikave të mbledhura nga platforma Coverge2EU, e cila ndjek gjendjen në vendet e Ballkanit Perëndimor që synojnë integrimin në Bashkimin Evropian, Kosova vazhdon të mbetet prapa shumicës së vendeve të rajonit në shumë fusha. shkruan Radio Evropa e Lirë, transmeton Zeri.info.
Një sondazh i fundit ka nxjerrë në pah preferencat dhe prioritetet e të rinjve të Kosovës kur bëhet fjalë për zgjedhjen e partnerit. Rezultatet tregojnë se faktorët kulturorë dhe familjarë kanë një rëndësi të madhe, shpesh më të madhe se aspektet materiale.
Sipas të dhënave, elementi më i rëndësishëm për të rinjtë është prejardhja etnike, të cilën 68% e të anketuarve e konsiderojnë “shumë të rëndësishme”. Një përqindje e lartë, 65%, gjithashtu e vlerëson si shumë të rëndësishme përkatësinë fetare, duke treguar se identiteti kulturor dhe fetar vazhdon të luajë një rol kyç në marrëdhëniet romantike.
Ndër faktorët e tjerë, aprovimi nga familja renditet gjithashtu lart, me 65% të të rinjve që e shohin si shumë të rëndësishëm. Kjo reflekton ndikimin e madh që familja ka në vendimet për jetën personale, duke përfshirë zgjedhjen e partnerit.
Niveli i edukimit ka rëndësi për 48% të të rinjve, duke treguar një tendencë drejt partnerëve që kanë një arsim të mirë dhe që ndajnë vlera të ngjashme intelektuale. Virgjëria, ndonëse ka më pak rëndësi krahasuar me faktorët kulturorë dhe familjarë, mbetet një kriter i rëndësishëm për 44% të të rinjve.
Faktorët ekonomikë, si gjendja financiare, janë më pak të theksuar, me vetëm 36% të të rinjve që e konsiderojnë shumë të rëndësishme. Kjo tregon se për shumicën e të rinjve, aspektet materiale nuk janë prioriteti kryesor kur bëhet fjalë për zgjedhjen e një partneri.
Analiza e këtyre të dhënave tregon qartë se për të rinjtë e Kosovës, vlerat kulturore, identiteti fetar dhe aprovimi i familjes janë më të rëndësishme se aspektet materiale, duke reflektuar një balancë mes traditës dhe përgatitjes për jetën moderne.