Familjarët e Mateo Borrit kanë reaguar publikisht për herë të parë lidhur me diskutimet e fundit që kanë qarkulluar rreth tij dhe raportit me Brikenën brenda shtëpisë së Big Brother.
Përmes një deklarate të publikuar në rrjete sociale, ata kanë theksuar se fillimisht kanë respektuar ndjenjat dhe zgjedhjet e Mateos, duke qëndruar pranë tij me mirëkuptim dhe mbështetje deri në momentin kur situata, sipas tyre, u qartësua plotësisht.
Familja e Mateos ka shprehur vlerësim të sinqertë për familjarët e Brikenës, duke theksuar korrektësinë dhe mirëkuptimin e treguar prej tyre. Po ashtu, ata kanë folur me fjalë pozitive edhe për vetë Brikenën, duke e cilësuar si një vajzë të edukuar, të ndjeshme dhe me vlera, e cila ka treguar qetësi në një situatë jo të lehtë për t’u përballur publikisht.
Në deklaratë thuhet se familja i uron Brikenës çdo të mirë, qetësi shpirtërore dhe suksese në rrugëtimin e saj brenda shtëpisë së Big Brother.
