Dokumente të reja të publikuara të premten kanë zbuluar shkëmbime mesazhesh mes ish-ministrit të Jashtëm të Sllovakisë dhe ish- kryengociatorit për dialogun Kosovë – Serbi, Miroslav Lajçak, dhe financierit të ndjerë Jeffrey Epstein, duke nxitur reagime të forta politike në Sllovaki.
Mesazhet, që datojnë nga tetori i vitit 2018, kur Lajçak ishte ende në detyrë, përmbajnë biseda me tone të lehta dhe komente për gratë, si dhe referenca për një takim të ardhshëm me ministrin e Jashtëm rus, Sergei Lavrov.
Në disa prej tyre, Epstein dhe Lajçak shkëmbejnë shaka që janë cilësuar si të papërshtatshme, ndërsa përmenden edhe persona të rinj në moshë, shkruan BBC.
Në një email të veçantë nga nëntori i vitit 2017, Lajçak i kishte kërkuar Epstein-it ndihmë për të mbështetur një producente filmi që filmi i saj të përfshihej në listën e ngushtë për çmimet Oscar.
Pas publikimit të dosjeve, Lajçak fillimisht mohoi se kishte diskutuar për gratë me Epstein-in, por më pas njoftoi vendimin për të dhënë dorëheqjen, duke deklaruar se dëshironte të shmangte dëmtimin politik të kryeministrit Robert Fico.
Nga ana e tij, Fico e cilësoi reagimin publik ndaj lidhjeve të Lajçakut me Epstein-in si “një sulm politik” dhe akuzoi kritikët për hipokrizi.
Lajçak ka shërbyer në katër qeveri sllovake, tri prej tyre të udhëhequra nga Fico, si dhe në role të rëndësishme diplomatike ndërkombëtare. Së fundmi, ai mbante postin e përfaqësuesit të posaçëm të Bashkimit Evropian për Ballkanin Perëndimor.
Publikimi i dosjeve është pjesë e një vale të gjerë dokumentesh që hedhin dritë mbi marrëdhëniet e Jeffrey Epstein-it, i cili vdiq në vitin 2019 në paraburgim ndërsa përballej me akuza për trafikim seksual, me një sërë figurash të njohura ndërkombëtare, përfshirë politikanë, biznesmenë dhe anëtarë të familjeve mbretërore.
BBC ka publikar një bisedë të vitit 2018:
Në një shkëmbim mesazhesh nga tetori 2018 – kur Lajčák shërbente si ministër i jashtëm i Sllovakisë – Lajčák dhe Epstein mund të shiheshin duke diskutuar me lehtësi për gratë dhe një takim të ardhshëm me Ministrin e Jashtëm rus Sergei Lavrov.
Pasi Epstein dërgoi një imazh, i cili nuk mund të shihet në regjistrim, Lajçak përgjigjet: “Pse nuk më ftoni për këto lojëra? Do të merrja vajzën ‘MI’.”
“Kush nuk do të donte,” i përgjigjet Epstein mesazhin. “Mund t’i kesh të dyja, nuk jam posesiv. Dhe motrat e tyre.”
Më vonë gjatë bisedës, Epstein mund të shihet duke iu lutur Lajçak që t’i kërkojë Lavrovit t’i sjellë një bluzë me Lavrovin dhe Viltaly Churkin, një ambasador rus në OKB, i cili kishte vdekur vitin e kaluar.
“Merr bluzën. Pastaj merr vajzat,” shkruan Epstein, me të cilën Lajçak pajtohet.
Epstein më pas thotë: “Pa shaka, motrat e tyre po notojnë të dyja në pishinë.”
“Kjo nuk është e drejtë!” përgjigjet Lajçak.
“Megjithëse të gjitha janë nën 30 vjeç. Pra. Ndoshta shumë të reja për ty,” shton Epstein. “Ose duhet të them nën 50 vjeç.”
“Mos u sill keq,” përgjigjet Lajçak. “Nuk më njeh në veprim.”