Hyrja e Luiz Ejllit në orët e para të mëngjesit ka ndryshuar dinamikat e lojës, duke e vendosur atë në një garë të pazakontë çiftësh pas hapjes së Kutisë së Pandorës.
Mekanizmi i lojës e ka detyruar Tanin të luajë si një konkurrent i vetëm me Luizin, ndërkohë që ai vendosi të bashkojë në të njëjtin fat edhe Brikenën me Mirin.
Përballë faktit se këto dy çifte janë tashmë në një “kokë më kokë” nominimi, moderatori Ledion Liço ka pyetur banorët se cilin grup do të preferonin të mbanin në shtëpi.
Kur radha i ka ardhur Gimbos, DJ dhe miku i ngushtë i fituesit të BBVA 4 (Gjesti), përgjigjja ka qenë e prerë. Ai ka zgjedhur menjëherë Mirin dhe Brikenën, duke dalë hapur kundër qëndrimit të dyshes Luiz–Tani.
Ky veprim ka nxitur diskutime në rrjet, pasi Gimbo njihet si mbështetës i Gjestit, i cili shpesh është parë nga fansat si një “rival” i Luizit, pavarësisht se u përkasin sezoneve të ndryshme.