Blerina Matraku ka rrëfyer në emisionin “Goca dhe Gra” se prindërit i kanë qëndruar pranë pas publikimit të videove private me Adrian Hilën.
“Si ishte përballja me familjen, babain, nënën, familjarët e tu?”, e pyeti Ori Nebijaj.
“Po ç’mund të të them unë për një baba që më thotë: ‘Ku ishe këto ditë ti? Hajde çohemi, pimë kafe’. Ç’mund të them unë për një baba që nuk duhet t’i vinte kurrsesi faj vajzës së vet, për një nënë që thotë: ‘Do kalojë edhe kjo, të keqen mami’”, u shpreh këngëtarja.
Më herët, Matraku kishte treguar në rrjetet sociale se ishte larguar nga shtëpia për shkak të gjendjes së rënduar emocionale dhe e kishte të vështirë të përballej me të atin.