Shqiponja, banorja e “Big Brother VIP Kosova 5”, kishte rrëfyer në shkurt 2025 për “Prive By LS” se ishte braktisur nga prindërit biologjikë menjëherë pas lindjes.
Sipas saj, një polic e kishte gjetur në rrugë dhe më pas ishte adoptuar nga një familje. Për shumë vite nuk kishte qenë në dijeni se ishte e adoptuar.
Në kohën e intervistës, vajza nga Drenasi kishte rreth dy vite që kërkonte prindërit biologjikë, ndërsa shprehej mirënjohëse ndaj familjes që e rriti.
Sipas emisionit, publikimi i historisë së saj ndihmoi në ritakimin e një nëne me vajzën e saj në një rast tjetër, pas 20 vitesh ndarje.